Usa ka Gabii sa McDo

Ni order ko ug sundae ug large french fries,
Sa akong paglingkod,
nakakita ko ug usa
ka lalaki nga nakatindog
banda sa may lababo,
gitan'aw nako ug maayo
ang iyahang mga kamot-
basa kini.

Gipatungod niya ang iyahang
mga kamot sa may drier,
gipaduol niya uban ang pagtuo
nga mag mala ang
basa sa iyahang mga kamot-
gitan'aw nako siya ug maayo,
wala gihapon nag-andar ang
drier, gitanggal niya ang iyahang kamot
ilalom sa drier ug nagtalikod.

Sa iyahang pagtalikod-
nakamatikod ini nga niandar ang drier
nitan-aw usab sa ako-a,
ang iyahang mga mata nga
dili nako makalimtan,
mitan-aw sila sa ako-a,
ang mga mata sa prinsipe,
nga dili na usab nako makita
sa uban pang higayon.

Nikatawa ang lalaki.
Gihugasan niya usab
ang iyahang mga kamot,
ug sa ulihi nga higayon
niandar na ang drier-
nagmala ang basa sa iayahang
mga kamot
kauban sa akong paghandom
nga makit-an usab
ang iyahang mga mata.

Kung unsa kapaspas sa pagmala
sa iyahang basa nga mga kamot,
mao pud to kapasapas
ang higayon na nagtagbo ang
among mga ngisi-
ang mga ngisi
nga nabuhi,
dili kagahapon,
dili usab karon,
kung dili katong higayon
nga nagtagbo gayod
ang amo-ang
mga mata.

Niagi ang lalaki sa akong likod,
ang iyahang boses nahibilin
sa akong huna-huna,
"Thank You ha", ingon pa niya
wala ko nakatubag-
nagngisi lang ko ug
mitan-aw sa iyaha nga
ginahinay-hinay
ug tuklod ang pirtahan.

Usa lang to kagabii-
Duha ka tao
ug usa ka higayon,
ang mga kamot,
ang among ngisi
ug ang iyahang mga mata
dili nako makalimtan
bisag mag kinaunsa.


P.S
Dili naman nako makita si Hand Drier Guy, ang akong paghuna-huna sa iyaha kay igo na para mabuhi siya sa akong kasing-kasing. :)